एसी के सफर वाया तिहाड़

लइका के भागे लरकोरी जिये...अब इहे होखे जाता...तिहाड़ जेल में रहे वालन के अब एसी कोच में आवे जाए के मिली...अगर ओकनी के कहीं सुनवाई खातिर जेल से ले जाइल जाई त ऊ अब स्लीपर के जागाहा प एसी कोच में जइहें... लेकिन अइसन बात नइखे कि उनुका लोग के इ सुबिधा कहीं से बख्सीस में मिली...असल में दिल्ली पुलिस के जवन जवान अइसन कैदियन के ले आवेले आ ले जाले ओ लोग के अब एसी के सुबिधा मिलि रहल बा...लेकिन कैदियन के चलते सबसे स्लीपर में जाए के पड़ेला...जब ई बात उठल त भोइल कि कैदियन खातिर जवान काहें सुबिधा से दूरि रहिहें...अब ए मामला में सरकार के आदेस के इंतजार बा...